Македонската репрезентативка Миљана Рељиќ во второто коло на Светското првенство во теквондо што се одржува во Баку е совладана од Русинката, Лилија Кужина.
Рељиќ во првата рунда беше слободна, а потоа забележа пораз во соочувањето со Кужина која успеа да стигне до полуфиналето откако беше супериорна и во дуелите против Германката, Ана Лена Фроминг и Сара Шари од Белгија.
Утре на Мундијалот во азербејџанската престолнина ќе настапи и нашиот најдобар натпреварувач, Дејан Георгиевски кој во категоријата преку 87 килограми во првото коло е слободен, а потоа следува дуелот против победникот од мечот меѓу Александар Филипов од Израел и Авганистанецот, Али Акбар Амири.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.