Државата влезе во Дигитална ера, а проектот за дигитализација на институцииите, јавна администрација и услугите за граѓаните ќе се одвива преку 330 информатички пунктови низ целата држава каде услугите ќе се даваат по принцип на едношалтерски систем.
Премиерот Димитар Ковачевски и министерот за администрација и информатичко општество Азир Алиу ги најавија дигиталните промени во општеството со најава за формирање на Aгенција за дигитализација, институција која ќе треба да ја изработи и да ја спроведува националната стратегија за сајбер безбедност.
Иако дигиталната агенција веќе требаше да функционира, поради короната и енергетската криза, не е формирана и министерот Азир Алиу очекува тоа да се направи во наредните 6 до 12 месеци.
Изминативе месеци повеќе државни институции како Фондот за здравствено осигурување, Бирото за јавни набавки и Министерствата за земјоделство и за образование беа цел на хакерски напади, а министерот очекува сјабер безбедноста да се подобри иако и во моментот има такви инфорамтички напади.
– Моментално состојбата со државните институции е како што е во цел свет. Имаме напади, но се справуваме на ниво на институции. Кога ќе имаме таков тип на институција како Агенција за дигитализација, ќе ги имаме најдобрите експерти на едно место и полесно ќе се обезбеди тој пристап до информации во кои што се лоцирани, а кои што не се информации што треба да пенетрираат во самиот процес. Таков тип на каскаден систем ќе обезбеди Агенцијата. Максимумот ќе прави од институциите да бидеме колку-толку безбедни во овој период, рече Алиу.
Тој посочи дека треба да се стремиме кон заедничко справување со проблемите со сајбер безбедноста во која ќе бидат вклучени експертите за безбедност и од приватниот и од јавниот сектор.
Алиу потврди дека во државата нема доволен број на експерти за сајбер безбедност односно нивниот број е лимитиран и оцени дека се прави максимум за да се обезбеди дигиталниот сектор на институциите.
ТикТок анестезиологот од Тетово без лиценца за работа – етичката комисија утврди повеќе прекршоци