Дополнителна нервоза кај Бугарите кои беа најавени да ја поминат границата предизвика падот на системот за контрола на патни исправи. На трите гранични премини системот не функционираше. На Деве Баир, се создаде колона од возила. Дел од Бугарите излегоа од возилата и се расправаа со полицијата, и се заврши со тројца приведени.
Околу 12.45 часот на Граничниот премин Деве Баир дошло до нарушување на јавниот ред и мир од страна тројца бугарски државјани, информира МВР.
Г.З (35),А.Х(50)и Р.Х(54) бугарски државјани кои најпрво вербално, дрско и недолично со најпогрдни зборови се однесувале, а потоа се обиделе и физички да ги нападнат полициски службеници кои преземале службени дејства, при што се приведени и се работи на целосно расчистување на случајот, соопшти Министерството.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.