Седницата во српскиот парламент на која, во присуство на претседателот Александар Вучиќ, се расправа за прашањето на Косово во еден момент дојде до раб на инцидент. Расправата доаѓа во период во кој ситуација во врска со расплетот на косовското прашање се усложнува под притисок на Западот. Една од темите е т.н. француско-германски предлог за Косово и Метохија, иако не е опфатен со Извештајот за преговорите кој беше доставен на пратениците.
Дел од опозициските пратеници држеа транспаренти со натпис „Не за капитулација“ и „Не за ултиматум“ за време на говорот на Вучиќ. По бурната расправа во која пратениците од опозицијата стоеја и викаа „предавство“ на што им возраќаа колегите од влaдеачката коалиција.
Во еден момент дојде до мешаница. Дел од опозиционерите тргнаа кон Вучиќ во чија одбрана станаа пратениците од власта, а мораше да реагира и собраниското обезбедување.
Пратениците се повлекоа од просторот околу говорницата по инцидентот, но вербалното препукување продолжи. Голем број од опозициските пратеници го држеа Деловникот во рака и скандираа „Не го даваме Косово“, пришто користеа свирчиња.
View this post on Instagram