Бугарија веќе го реализира планот за користење на европските механизми и веќе испратила писма до сите европски организации со наратив дека овде се води тешка политика на дискриминација кон Бугарија.
Наша задача е да не дозволиме Бугарија да ја убеди ЕУ во ваквите нејзини позиции, вели министерот за надворешни работи Бујар Османи.
За посертата во Бугарија вели дека соодветно изреагирал на изјавата на неговиот колега Милков и покажал дека не постои државна дискриминација.
„Ако очекувавте од мене дека јас ќе бидам адвокат на комунистичкиот период, тоа нема да го добиете од мене. Затоа што јас ниту ќе го пофалам тој период од мои причини, нема да го критикувам како министер за надворешни работи, бидејќи претставувам граѓани кои имаат поинакво мислење и таа тема ќе ја оставам на историчарите. Политичари и историја не. Комунистички период јас нема да коментирам, ни овде, ни во Софија, никаде. Ако мислите дека Милков рекол сега се случува тоа, јас реагирав веднаш и фактот што јас бев таму е токму тоа. Во име на владата доаѓам тука, се грижам за секој наш државјанин каде и да е, од која било етничка припадност и дека нема државна политика на дискриминација, туку напротив, ние ќе создадеме атмосфера на нула толеранција на говор на омраза и насилство“, изјави денеска Османи.