„Има бугарски политичари на кои не треба да им биде дозволен влез не само во Република Северна Македонија, туку не треба да им се дозволи да бидат и на бугарската политичка сцена. Тоа се бугарски политичари кои сакаат Бугарија да се одвои од Европа. Тоа се политичари кои одржуваат референдуми за отцепување од Европа, против еврото, а можеби и за влез во зоната на рубљата. Тоа се политичари кои отворено ги бранат интересите на Кремљ во Бугарија“, вели во интервју за БТВ Новините поранешниот бугарски министер за одбрана и експерт за нациоанлна безбедност Бојко Ноев.
Според него не може да ги држиме затворени очите пред фактот дека реално има бугарски политичари кои ги влошуваат односите со Северна Македонија и им даваат повод на македонските власти да најдат оправдување тогаш кога се тепаат бугарските граѓани и македонски Бугари.
Во интервју за БТВ Ноев ги коментираше изјавите на македонскиот претседател Стево Пендаровски дека треба да се забрани бугарски европратеник и некои политичари да присуствуиваат на чествувањето за Гоце Делчев на 4 февруари во Скопје, бидејќи имало информации дека некои од нив се поврзани со руските служби.