Шефовите на дипломатиите на земјите членки на НАТО, денеска и утре во Букурешт треба да ги договорат идните чекори со кои Алијансата и политички и воено-технички ќе ја поддржи Украина. Оценувајќи ги последните воени акции на Русуја во кои мета се и цивилни цели, како варварски, генералниот секретар на НАРО, Јенс Столтенберг најави дека Алијансата ќе ја помага Украина се додека е тоа потребно. Што тоа ќе значи во поглед на конкретната помош, ќе се одлучува следните два дена.
Босна, Грузија и Молдавија како ранливи точки на можно руско влијание е втората значајна тема, а министрите на 30-те членки на НАТО ќе се занимаваат и со прашањето за влезот на Шведска и Финска во алијансата откако сите членки на алијансата го потпишаа протоколот за влез на овие земји во НАТО пактот. Тема на состанокот ќе бидат и идните односите со Кина..
Б.Х.