Маж кој останал целосно парализиран по несреќа при нуркање добил трајно чувство за допир и делумно ја вратил подвижноста благодарение на двојна неврална бајпас-операција. Кит Томас од Њујорк, кој три години по несреќата бил вклучен во клиничко истражување на Институтот „Фајнштајн“ за медицински истражувања.
Во неговиот мозок биле вградени пет импланти кои преку компјутер испраќаат и примаат сигнали. Системот овозможува да се читаат мозочните сигнали поврзани со движењето и истовремено да се стимулира делот од мозокот задолжен за чувството на допир, како и ‘рбетниот мозок.
Според истражувачите, Томас успеал да ги движи раката и прстите, да држи чаша и да фаќа чувствителни предмети, а дел од подобрувањата останале и повеќе од две години откако уредот престанал да се користи. Главниот истражувач Чед Баутон вели дека ова е првпат ваков систем да обезбеди не само моментално подобрување, туку и долготрајно враќање на движењето и чувството за допир.
