Министерката за надворешни работи на Германија Аналена Бербок во рамките на дводневната посета на Грција, денеска ќе се сретне со грчкиот премиер Кирјакос Мицотакис и со шефот на грчката дипломатија Никос Дендиас.
Според Министерството за надворешни работи на Грција, Дендиас и Бербок ќе разговараат за билатералните односи, за случувањата во Источниот Медитеран, руската инвазија на Украина, ситуацијата на Западен Балкан и за перспективите за енергетска соработка.
Бербок првично требаше да оди во Атина на почетокот на јуни, но патувањето и се одложи откако тааа се зарази со Ковид-19.Поради тоа таа дури вчера пристигна во Атина и веднаш го посети споменикот на Холокаустот и положи цвеќе, а потоа во придружба на министерот за миграција и азил на Грција Нотис Митаракис посети прифатен центар за бегалци и мигранти.
Од грчкото МНР соопштија дека се очекува разговорите да се фокусираат на натамошното зајакнување на стратешкото партнерство меѓу Грција и Франција, на случувањата во Источниот Медитеран, на руската инвазија на Украина, на новата европска безбедносна архитектура и на состојбите на Западен Балкан, како и на случувањата во Либија.
Ова ќе биде прва средба на министрите за надворешни работи на Грција и Франција по формирањето на новата француска Влада.