Министерот за внатрешни работи Оливер Спасовски денеска во ПЦ „Ѓорче Петров” ги посетил полициските службеници кои беа повредени за време на протестите.
Во свое име и во име на МВР, напиша на фејбук профилот минситерот Спасовски, им оддавам признание за припадниците на македонската полиција за пожртвуваноста, посветеноста и присебноста при обезбедувањето на мирот и стабилноста на граѓаните и на виталните државни институции за време на протестите, а воедно да им посакам брзо закрепнување.
Во протестите вупно беа повредени 54 полициски службеници, од кои 11 потешко повредени, а двајца со сериозни повреди, а нема ниту еден повреден граѓанин.
– Уште еднаш сакам да потенцирам дека македонската полиција имаше огромна одговорност, бидејќи протестите кои немаат основа, не се пријавени, односно се базираат на пропаганда, секогаш имаат хибридни методи и креираат своја искривена претстава во јавноста. Токму во таа насока би ја потенцирал и поуката од сето ова – што значи напад врз полициски службеник, не само за време на протести, туку генерално. Нападот врз полицаец е напад врз државата и за тоа свеста мора да биде на највисоко ниво, напиша на фејсбук Спасовски.
