САД проценуваат дека руските загуби во Украина достигнале околу 15.000 загинати и можеби 45.000 ранети, изјави директорот на ЦИА Вилијам Барнс, додавајќи дека и Украина исто така претрпела значителни загуби.
Речиси пет месеци откако рускиот претседател Владимир Путин нареди инвазија на соседот на Русија, нејзините сили макотрпно го освојуваат регионот Донбас во источна Украина и заземаа околу една петтина од земјата.
Барнс говорејќи на форумот за безбедност во Аспен во Колорадо рече дека тоа многу ги чинело бидејќи биле убиени нешто над 15.000 руски сили, а уште повеќе се повредени, а исто така и Украина претрпела големи загуби.
Русија не ги открива бројките на загинати војници, бројката ја класифицира како државна тајна и не ги ажурира податоците за бројот на загинати лица, само на 25 март беше објавено дека загинале 1.351 руски војник.
Владата во Киев во јуни соопшти дека дневно се убиваат од 100 до 200 украински војници.
Доколку Западот продолжи да го снабдува Киев со оружје со голем дострел, како што се артилериски ракетни системи за висока мобилност (ХИМАРС) од САД тогаш се очекува да расте и бројката на загинати војници.