Американскиот претседател Џо Бајден рече дека ќе разговара со другите лидери на групата Г7 на економски најнапредните земји оваа недела за потенцијалните дополнителни санкции против Русија.
Американскиот министер за финансии Џенет Јелен изјави дека САД се во постојани разговори со своите партнери за дополнителни санкции и дека би можеле да преземат „дополнителни дејствија“ за да извршат притисок врз Москва, пренесе Ројтерс.
На конференцијата на Вол Стрит Журнал, Јелен одби да зборува за какви било конкретни потези што се разгледуваат, но нагласи дека „веројатни се понатамошни дејствија доколку Русија ја продолжи оваа војна против Украина“.
Бајден им рече на новинарите: „Секогаш сме отворени за дополнителни санкции“ на прашањето за плановите на САД откако Европската унија ги предложи своите најстроги санкции досега против Русија, вклучително и постепено ембарго на руската нафта.
„Оваа недела ќе разговарам со членките на Г7 за тоа што ќе правиме или што нема“, додаде Бајден.