Во последните денови се шират нови непроверени приказни за планот за соборување на рускиот претседател Владимир Путин.
За ова на Твитер зборуваше и финскиот министер за одбрана за разузнавање, генерал-мајор Хари Охра-ахо, кој сподели напис во лондонскиот деловен весник Сити А.М.
Rumours are swirling in Moscow that a number of former generals and KGB officials are preparing to oust Russia’s president Vladimir Putin and plan to end the war in Ukraine, which is increasingly seen across Russia as a strategic mistake. https://t.co/2o3aFCuiYS
— Harri Ohra-aho (@Ohra_aho) May 3, 2022
„Во Москва се шпекулира дека многу поранешни генерали и функционери на КГБ се подготвуваат да го соборат рускиот претседател Владимир Путин и да стават крај на војната во Украина, која Русија се повеќе ја гледа како стратешка грешка“, напиша тој.
Треба да се нагласи дека ваквите приказни моментално се во доменот на тешки шпекулации, како и оние за болеста на Путин. Сепак, британските таблоиди во неколку наврати, последен пат пред неколку дена пишуваа дека Путин е тешко болен и дека според некои информации наскоро му е потребна операција од рак. Но, не постои веродостоен извор кој би потврдил вакво нешто, па сè уште останува во доменот на обични шпекулации.
Приказната дека многу влијателни луѓе во Русија, вклучително и некои од разузнавачките структури, гледаат се поголем проблем во инвазијата на Путин на Украина, исто така, не е нова, и дека Путин се плаши од тоа што може да се случи ако биде соборен.
Поранешен американски генерал: Путин се залага за останување на власт, знае дека доаѓањето на наследникот може да значи смрт за него
Поранешниот американски генерал Џек Кин за Fox Business ја коментираше пред неколку дена моменталната позиција на Путин во Русија.
Запрашан за гласините дека рускиот претседател е тешко болен, тој рече дека не знае во што да верува, но дека Путин очајно ќе се обиде да остане на власт од страв што би можел да му направи неговиот наследник.
„Не се фокусирам на здравствени проблеми или информации дека тој е изолиран и дека губи некои од неговите советници, туку на решеноста на Путин да остане на власт, тој е за да остане на власт. Тоа е неговата мотивација. Тој ќе направи се за да остане во моќ. Тој добро знае дека доаѓањето на наследник кој не се согласува со него може да значи и негова смрт. Затоа тој се бори да остане на власт“, изјави Кин.
Тој рече дека верува оти Путин се уште е решен да ги постигне воените цели.
„Тој сè уште сака да ја преземе Украина, да го собори режимот, а Путин го сфаќам сериозно. Мислам дека многумина од нас го потценивме, но тој се подготвува за враќање на Руската империја. Мислам дека ќе се обиде да го направи тоа се додека тој е на власт“, рече тој.
Тој не верува дека Путин има друга иднина освен да остане на власт.
„Тој нема иднина освен да биде претседател на Русија. Тоа е факт“, рече Кин.
Во суровите сали на руската политика на моќ, каде што не може да се потпре на владеењето на правото и владините институции за да го заштитат, Владимир Путин може да биде во реална опасност од високи воени и безбедносни функционери поради катастрофалниот ефект на Русија при инвазијата на Украина.
Британскиот таблоид додава дека бидејќи руските воени успеси се релативно слаби и опаѓаат од ден на ден, Путин е под зголемен притисок да постигне опиплив успех и да ги одбие моќните и агресивни безбедносни сили – блок на влијателни поранешни офицери на КГБ кои се повеќе го критикуваат него.