Врховниот суд го одбил барањето на експремиерот Никола Груевски за вонредно преиспитување на пресудата за случајот „Насилство во Центар“ со која тој правосилно е осуден на 1 година и 6 месеци затвор.
Од Основниот кривичен суд во Скопје информираа дека од Врховен им доставиле решение во кое барањето на Груевски, поднесено преку неговиот адвокат, „се отфрла како недозволено“.
Покрај Груевски, со истата пресуда за виновни беа прогласени и ексминистерот за транспорт и врски Миле Јанакиески и уште пет други лица директни учесници на насилните протести пред Општина Центар во 2013 година. Но, тие добија условни казни затвор.