Градоначалникот на Мариупол, Вадим Бојченко, рече дека опколениот град никогаш нема да се предаде и ги повика западните сојузници да достават уште повеќе оружје за да и помогнат на Украина.
„Можеме да го вратиме само она што е наше“
Во изјава за Скеј Њуз, Бојченко рече: „Никогаш нема да се зборува за предавање на Мариупол за мир. Можеме да го вратиме само она што е наше, а Мариупол беше и ќе остане украински и ќе направиме се што можеме за да го обезбедиме тоа“.
Бојченко понатаму го повика целиот цивилизиран свет да се обедини и да обезбеди оружје за да и овозможи на Украина да постигне победа.
На крајот, тој заклучи: „Колку побрзо стигнат до украинските вооружени сили, толку побрзо ќе можеме да се вратиме дома. Јас ќе си одам дома во Мариупол, а другите ќе се вратат во други градови. Ние мора да ги донесеме овие одлуки порано или подоцна Мора да разбереме дека нема друг избор, нема. На нас Украинците мора да ни се даде можност да ја ослободиме нашата земја“.