Швајцарија денеска ги укина последните преостанати ограничувања за ковид-19, а Италија ја прекина вонредната состојба прогласена поради пандемијата. Во Швајцарија, маските повеќе не се задолжителни во јавниот транспорт и здравствените установи, а апликацијата „Ковид-19“ за следење контакти е деактивирана.
Луѓето заразени со корона повеќе не мора да одат во самоизолација, но властите сепак ги повикуваат да останат дома доколку имаат симптоми на Ковид-19. Власта оценува дека кај населението преовладува висок имунитет, а состојбата на интензивната нега е стабилна.
Но, властите сè уште сакаат да одржат „засилена будност“ до пролетта 2023 година. Властите во Рим одлучија да ја укинат вонредната состојба наметната од пандемијата и да ја укинат зелената пропусница за огромното мнозинство потребни места.
Од 1 април, гостите на хотелите повеќе нема да треба да докажуваат дали се вакцинирани против Ковид-19, дали ја имале болеста или имале негативен тест за корона. Овој сертификат повеќе не е потребен за влез во ресторани и барови на отворено, туку е за во затворен простор.
Маските се уште се неопходни во затворен простор. Сертификатите исто така повеќе не се потребни за музеи и изложби, туку се за театри, кина и затворени концерти.