Локалните власти во Мариупол објавија дека руските сили го погодиле градскиот театар за време на бомбардирањето. Според изјавите на Градскиот совет, цивилите се засолниле во театарот. „Руските сили намерно и цинично го уништија Драмскиот театар во срцето на Мариупол“, соопшти Градскиот совет на Твитер.
Заменик-градоначалникот на Мариупол, Серхи Орлов, изјави за Би-Би-Си дека таму имало меѓу 1.000 и 1.200 луѓе. Зградата на театарот се наоѓа во центарот на градот, а градскиот совет не можеше да го потврди бројот на жртвите.
Снимките од разурнатиот театар почнаа да пристигнуваат вчера попладне.
Шефот на регионалната администрација на Доњецк, Павло Кириленко, на Фејсбук објави фотографија од театарот во Мариупол. Тој пишува дека е невозможно да се утврди бројот на жртвите.
Украинскиот министер за надворешни работи Дмитриј Кулеба во текот на ноќта објави фотографии од театарот пред и по рускиот напад.
Another horrendous war crime in Mariupol. Massive Russian attack on the Drama Theater where hundreds of innocent civilians were hiding. The building is now fully ruined. Russians could not have not known this was a civilian shelter. Save Mariupol! Stop Russian war criminals! pic.twitter.com/bIQLxe7mli
— Dmytro Kuleba (@DmytroKuleba) March 16, 2022
Пред театарот пишува „Деца“.
На сателитската снимка објавена од американската компанија Максар, направена пред два дена, се гледа рускиот збор „деца“ напишан со големи бели букви на предната и задната страна на театарот во Мариупол.
Локалните власти велат дека театарот бил користен како засолниште за стотици цивили пред да биде бомбардиран од руските сили денес. Руското Министерство за одбрана тврди дека нивната армија не го гранатирала театарот.
The words “children” were written in Russian in large white letters in front of & behind the theater that was destroyed in #Mariupol today. These were added around March 12. Video posted on March 10 shows theater packed with sheltering families. @Maxar https://t.co/nrQLa2V6Ro pic.twitter.com/paKUEBQww2
— Christoph Koettl (@ckoettl) March 16, 2022