Корнелија Хетер и Федерика Брињоне се победнички на супервелеслаломот во Гармиш Партенкирхен, последен пред почетокот на Зимските олимписки игри во Пекинг.
Австријката и Италијанката до делба на првото место стигнаа со време од 1 минута 18 секунди и 19 стотинки и за 82 стоти дела беа побрзи од Тамара Типлер, а зад водечката двојка се пласираа уште две скијачки од Австрија, Мирјам Пухнер и Надине Фест.
По денешната трка Брињоне се зацврсти на првото место во редоследот за супервелеслалом со 477 бода пред сонародничката Елена Куртони со 374, а италијанската доминација ја заокружува Софија Гоџа која е трета со 332.
Во генералниот пласман на чело е Микаела Шифрин со 1026 бода, 17 повеќе од Петра Влхова додека на третата позиција е Брињоне со 772.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.