2.341 позитивен на Ковид-19 се регистрирани во изминативе 24 часа, што претставува нов рекорд на новозаболени во еден ден од почетокот на пандемијата. Министерството за здравство информираше дека биле направени 6.193 тестови, а безмалку половина од позитивните случаи се регистрирани во Скопје, 1.146, потоа следува Битола со 185, Куманово 101, Велес 92, Тетово 74 и Прилеп 72.
Пријавени се 21 починато лице, од кои десетмина се од Скопје, по две починати лица има во Тетово и Велес, и по едно лице во Гевгелија, Кавадарци, Крива Паланка, Куманово, Македонска Каменица, Охрид и Струмица.
Согласно регистарот на умрени лица од Ковид-19 од Мој термин, пријавено е уште едно починато лице со датум на смрт на 19 јануари.
Досега во земјата се направени вкупно 1.755.926 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 259.328, бројот на оздравени пациенти е 230.206, на починати е 8.266, а бројот на активни случаи изнесува 20.856.
