На прес конференција на ВМРО-ДПМНЕ, полковникот на АРМ Драган Ковачки обвини полициски структури дека создале злосторничката групација составена од полицајци на Заев и Спасовски кои договарале малтретирање на граѓани за изборната кампања и разменувале пораки преку вибер полни со закани како „земете му ја колата“ и „убијте го“.
-Информациите ни се доставени од загрижени полицајци вработени во МВР кои не сакале да учествуваат повеќе во истата злостoрничка група. За што станува збор: Полицајци блиски до Социјалдемократскиот сојуз одработувајќи за оваа партија, формирале злосторничка група за време на изборната кампања чија цел е следење на членови на ВМРО ДПМНЕ и злоупотрeба на службените овластувања, со цел физичко малтретирање и селективно попречување на слободата на движење на луѓе кои не се од Социјалдемократскиот сојуз. Групата од над четириесетина полицајци се координирала на апликацијата вибер. Во таа група именувана „ХХХ“ според она што досега го идентификувавме има началници, полициски командири и полицајци во улога на партиски извршители, истакна на денешната прес конференција Ковачки кој е член на Извршниот комитет на партијата.
Ковачки кој објави пораки од вибер тврди дека во групата членувале командирот на ОВР Прилеп – Дарко Цуцулоски, заменикот командир – Ванеса Колашинац, началникот на НККР Прилеп – Емилија Велкоска, како и Кире Китаноски кој е личен шофер на советникот на министерот Спасовски – Оливер Лукароски.
-Злосторничката групација составена од полицајци на Заев и Спасовски договарале малтретирање на секој кој не го поддржувал СДСМ: „Земете му ја колата и убијте го“, гласи една од координираните наредби во групата, рече Ковачки.
СДСМ за обвинувањата на Ковачки-Куп лаги и манипулации, институциите да проверат