Топлотниот бран што ги зафати земјите од регионот ќе трае до 27 јули, прогнозираат метеоролозите, а температурите во некои градови и населени места ќе достигнат до 44 степени Целзиусови.
Во Босна и Херцеговина веќе е портокалова фаза со температури од 32 до 38 степени, а следните денови се очекува да се вклучи и црвен аларм со температури до 42 степени.
Тропски горештини денеска се очекуваат и во Хрватска. Пикот на топлотниот бран се очекува викендов кога температурата локално ќе биде околу 40-тиот степен, со прогнози на метеоролозите дека постои можност да се надминат и јулските рекорди.
Топлотниот бран стигна и до Црна Гора, која според метеоролозите ќе биде една од најтоплите земји во Европа со температура до 44 степени Целзиусови.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.