Македонска државјанка е повредена во тешка сообраќајна несреќа којашто се случила во Грција доцна синоќа, кога се судриле три автомобили и стадо диви свињи на автопатот Солун – Нео Петрициу.
Несреќата се случила половина час пред полноќ, кога патролно полициско возило во кое бил еден полицаец и двајца негови сопатници, се судрило со свињите. Возилото излетало од сообраќајната лента.
Други две возила исто така се судриле со стадото.
Повредената Македонка е на 50 годишна возраст, а во возилото била со својот 56 годишен сопруг. Таа во моментов е на лекување во општата болница во Кукуш.
Во третото возило кое се судрило со свињите, животот го загубиле двајца патници.
Во тек е истрагата за причините за несреќата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.