Правилата на Европската унија за дигитални сертификати за коронавирус ќе останат во сила уште една година поради тековната пандемија, јави ДПА.
Претставниците на Европскиот парламент и владите на земјите-членки синоќа се согласија да ги продолжат правилата до 30 јули 2023 година, соопшти француското претседателство со Советот на ЕУ, додавајќи дека прописите би можеле да бидат укинати порано доколку ситуацијата дозволи.
Сертификатите се наменети да го олеснат слободното движење на луѓето за време на пандемија.
Користејќи го QR-кодот, сертификатите даваат информации за тоа дали некое лице било вакцинирано против КОВИД-19, дало негативен тест или боледувало од болеста, јави ДПА.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.