Украинскиот Омбудсман за човекови права изјави за Њујорк Тајмс дека Русите извршиле бројни ужасни злосторства врз жените во Буча.
Тој рече дека снимиле ужасни случаи на сексуално насилство од страна на руски војници во Буча и на други места, вклучувајќи го и оној во кој група жени и девојки биле држени во подрумот на една куќа 25 дена. Девет од нив сега се бремени.
Тој вели дека насилството „произлегло од одмазда на украинскиот отпор“, но и дека руските војници „го користеле сексуалното насилство како оружје за војна против Украинките“.
Украина: Повеќе од 720 луѓе загинаа во Буча и други окупирани места
Повеќе од 720 луѓе се убиени во Буча и другите окупирани предградија на Киев за време на руската окупација, а се смета дека повеќе од 200 лица се водат како исчезнати, соопшти украинското Министерство за внатрешни работи.
Градоначалникот на Буча, Анатолиј Федорук, рече дека досега пронашле 403 тела, но бројот може дополнително да се зголеми.
Канцеларијата на главниот украински обвинител објави дека ги истражува настаните во областа Бровари на североисток. Таму, во селото Шевченкове, во подрум беа пронајдени телата на шест цивили со прострелни рани. За масакрот се осомничени руски војници.
Русија негира дека нејзините сили убиле цивили.