Роберта Мецола, претседателка на Европскиот парламент, на Твитер објави дека е „на пат за Киев“.
„На пат сум за Киев“, напиша таа на англиски и украински, со украинското знаме и порака за поддршка на земјата. Таа додаде и фотографија пред автомобилот. Мецола, кој беше избрана за претседателка на парламентот на 18 јануари, дополнително не додаде никакви детали.
Кога ќе пристигне на својата дестинација, таа ќе биде првиот службеник на европска институција што ќе пристигне во главниот град на Украина од почетокот на руската инвазија.
Пред тоа, премиерите на Полска, Чешка и Словенија го посетија Киев на 15 март за да покажат солидарност со Украина. Русија во четвртокот им забрани на европските претставници и на повеќето европратеници да влезат на нејзина територија како одговор на санкциите воведени кон Москва.
Руската дипломатија не објави список на лица опфатени со мерката, но рече дека ја информирала европската мисија во Москва.