Нови сателитски снимки го откриваат степенот на штетата предизвикана од гранатирањето во Суми, Чернихив и Харков.
Фотографиите ги објави американската компанија за вселенска технологија Максар, а на нив се гледаат запалени куќи во станбениот кварт Чернихив, како и кратери од ракетни напади. Видливи се и оштетувања на Олимпискиот спортски центар во Чернихив.
На снимката се гледа и штетата која настанала во Харков, како и кратерите во близина на станбената зона.
Украинските сили ја нападнаа и базата во Херсон, која беше освоена од Русите. Последиците се очигледни на фотографијата направена од сателитот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.