Илјадници демонтранти излегоа денеска на улиците на Лондон со транспаренти на кои имаше пораки „Мое тело – моја слобода“, Владата е вирус“, „Без ковид пасоши“, обвинувајќи ја владата дека со воведувањето на ковид сертификатите прави поделба на општеството.
Поради се побрзото ширеше на омикрон варијантата во Велика Британија, лондонскиот градоначалник Садик Кан прогласи „вонредна состојба“.
- Многу сме загрижени заради брзото ширење на омикрон варијантата. Во последните 24 часа имавме најголем број на нови случаи од почетокот на оваа пандемија, повеќе од 26.000. Хоспитализациите се се побројни, но и недостигот на персонал постојано се зголемува, така што сега донесов одлука, во консултации со партнерите, денеска да прогласам „вонредна состојба“ – Садик Кан, градоначалник на Лондон.
Светската здравствена организација соопшти дека омикрон варијантата е откриена во 89 земји.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.