Алармантна е состојбата со пожарот на Градската депонија во Кочани. Со цел да се заштити депонијата од пиромани, во наредниот период ќе има мобилни патроли, а ќе се користат и термални дронови, ова се дел од заклучиците на денешната седница на Кризниот штаб. Според надлежните пожарот, кој избувна вчера е намерно предизвикан. Депонијата во која отпадот го складираат општините Кочани, Виница, Зрновци и Чешиново-Облешево е запалена вчера и тоа на тешко достапен терен, а според сознанијата на Грозданов теренот е полеан со бензин, направен е обрач околу депонијата, по што е запалена депонијата.
„Едноставно на некој му смета како е средена и како функционира. Најверојатно му треба чад и отров за да не труе. Од позиција на тешко достапен терен, некој диверзант, пироман има направено еден вид обрач , најверојатно со бензин и ја има потпалено депонијата-градоначаникот на Кочани Грозданов.
Грозданов предупреди дека секој кој ќе биде фатен на лице место загрозувајќи го здравјето на граѓаните ќе биде и санциониран, бидејќи се вклучени сите институции. Во наредните денови на кочанската депонија сметот нема да се депонира од соседната Виница, со цел да се спречи повторно разгорување на огнот. Камионите на виничкото комунално претпријатие се веќе полни со отпад и во наредните два до три дена ќе има рестрикции во собирањето на сметот.
Викторија Јованова
