Производителите и дистрибутерите денеска ќе седнат на заедничка маса за да разговараат за продажните и набавните цени на основните производи. Средбата следува по анализите на Државниот пазарен инспекторат кои покажале разлика меѓу растот на набавните и продажните цени.
Според податоците, во периодот од мај 2025 година до мај 2026 година, просечните набавни цени на основните прехранбени производи и средствата за хигиена се зголемиле за 2,66 проценти, додека продажните цени пораснале за 4,56 проценти.
Министерот за економија и труд Бесар Дурмиши посочи дека во последните месеци цените се стабилизираат. Анализите за периодот март-јуни 2026 година покажуваат раст на набавните цени од околу 2,04 проценти, а на продажните цени од 0,16 отсто.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.