Иранскиот министер за надворешни работи Абас Арагчи изјави дека меѓу Иран и САД продолжува индиректната размена на пораки иако во моментот не се водат официјални преговори меѓу двете земји – пренесе иранската агенција Ирна.
Тој кажа дека во меѓу последните контакти имало и пораки поврзани со потребата од спречување евентуален израелски напад врз Бејрут. Според него, Техеран, случувањата во Либан ги разгледува како дел од поширокиот регионален конфликт во кој се вклучени Иран, САД и Израел.
Нагласи дека секој иден договор за прекин на војната треба да опфати запирање на борбените дејства на сите фронтови, вклучително и во Либан.
Претседателот на САД пак Доналд Трамп пред новнарите изјави дека би му било „чест“ да се сретне со врховниот лидер на Иран за да се постигне договор за прекин на конфликтот.
Не сакам да се сретнам, но ако се сретнам, ќе ми биде чест да го сретнам. Би сакал да видам дали ќе постигнеме договор. Но, ако постигнеме договор, можно е да се сретнам со него? Би бил во ред со тоа, изјави Трамп.