Летното сметање на времето започнува на 29 март 2026 година во 02:00 часот, со поместување на стрелките на часовникот за еден час нанапред, односно времето од 02:00 часот ќе се смета како 03:00 часот.
Одлуката за утврдување на почетокот и завршувањето на летното сметање на времето во 2026 година, ја донесе Владата и веќе е објавена во „Службен весник на Република Северна Македонија“. Донесувањето на оваа Одлука е во согласност со утврдената годишна практика за регулирање на сметањето на времето, како и со обврските за усогласување со европската регулатива во оваа област.
Летното сметање на времето ќе трае до 25 октомври 2026 година во 03:00 часот, со поместување на стрелките на часовникот за еден час наназад, односно времето од 03:00 часот ќе се смета како 02:00 часот.
