Поттикнување на женското лидерство

„Поттикнување на женското лидерство во општеството, економијата, информатичките и комуникациски технологии и културата“ е темата на панел дискусијата која се одржа по повод Меѓународниот ден на жената во организација на амбасадата на Италија во Скопје.

Женското лидерство придонесува во сите сфери на општеството и важно е секојдневно да се подигнува свеста за тоа, забележа италијанскиот амбасадор Палминтери.

Експертки од областа на културата, образованието, безбедноста и технологијата ги загатнаа клучните аспекти на предизвиците и стереотипите со кои се соочувале во својата професионална дејност.

• Да, постојат многу нешта кои треба да се променат. И има многу жени кои го прават тоа, но она што е најважно e да бидеме компетентни за она што го работиме.Затоа што дури и ако сте поканети на место каде што се носат одлуки, се извинувам но ова е мое мислење, вие во одредени моменти имате чувство дека сте еден вид декорација. Само за да се покаже дека е рамноправен бројот на мажи и жени, но на крајот гледате дека треба да се изборите за нештата да бидат направени на начинот како што ние навистина сакаме – Барбара Куписти, режисерка. 
• Навистина пред се ќе видите мажи во ИКТ секторот, во сајбер безбедноста, меѓутоа дефинитивно сајбер -безбедноста не се базира само на инженеринг, само на програмирање и постојано се обидуваме да ја разработиме и да им ја доближиме и на младите девојки. На тој начин што ќе ги однесеме на работни места каде што сајбер-безбедноста жени и девојки веќе работат на нивните позиции. Многу е позитивен трендот и генерално во ИКТ уписите на факултетите и во ИКТ позициите, да не речам општо во целиот ИКТ сектор повеќе од 50 % жени се присутни во позициите- Aнита Никова, експертка за сајбер-безбедност, eGa Senior Expert.  
• Верувам дека се бројни предрасудите со кои се соочуваме денес и можеби повеќе од Меѓународен ден на жената и правата на жената треба да се воспостави и Ден на воспитување на мажите во однос на жените. Апсолутно воспитувањето и културата која што треба да ја  имаат мажите е неизоставен дел од овие позиции општествени- Паоло Палминтери, Амбасадор на Италија во РСМ.

Б.С.