Авион на „Американ Ерлајнс“ од Рим кон Филаделфија принудно слета во Даблин, откако поголемиот дел од членовите на екипажот се пожалиле на гадење и вртоглавица.
Летот AA719 бил во воздух околу три часа кога пилотите се пренасочиле кон Даблин, известувајќи ја контролата на летање за неодредена итна медицинска состојба во авионот.
Според неофицијални информации, шест од деветте членови на екипаж имале здравствени проблеми. Тие наводно се пожалиле на вртоглавица и општа слабост. Во изјава за „Симпл Флајинг“, авиокомпанијата наведува дека бил пријавен „необичен мирис во авионот“ и вели дека авионот бил пречекан од болничари, додавајќи дека бил прегледан и еден патник.
Патниците биле пренасочени кон други летови, додека авионот е во Даблин за инспекција.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.