Стотици посетители на ЕКСПО 2025 во Јапонија, ги видоа макетите од плановите на архитектот Кензо Танге за изгледот на постземјотресно Скопје и националните ора на Танец, се гледа од снимките кои владината прес служба ги достави до медиумите.
Во снимено видео обраќање, портпаролката на владата Марија Митева посочи дека на светската изложба денеска учествувала владината делегација предводена од министерот за надворешни работи и надворешна трговија Тимчо Муцински, министерот за култура и туризам Зоран Љутков и генералниот секретар на Владата Игор Јанушев.
-Силен впечаток остави точката и настапот на националниот ансамбл Танец кои го отворија денешниот ден. Македонскиот павилјон изобилува со традиционални изложби, но најсилно и најголеми внимание зазема токму онаа на јапонскиот архитект Кензо Танге кој го има проектирано Скопје после земјотресот во 1963 година, порача Митева во обраќањето.