Генерален штрајк е најавен за утре во Грција со што ќе се обележи двегодишнината од железничката несреќа кај Темпи во кој се судрија директен и патчни воз кои се движеле на иста шина во различни прави, при што загинаа 57 лица.
Закажани се 345 протести, од кои 243 се на различни локации со кои ќе се блокира патниот, бродскиот, авионскиот и железничкиот сообраќај, како и затворање на дел од рестораните, таверните, кафулињата. Генералниот штрајк е закажан од најголемите грчки синдикати на вработените во државниот сектор и приватниот сектор.
Во Атина собирот е закажан за 11 часот по локално време, а ќе се преземат зголемени безбедносни мерки, според грчките медиуми, со ангажирани над 5.000 полицајци. Грчката Национална управа за истрага на авионски и железнички несреќи и безбедност на транспортот, најави дека ќе го презентира извештајот од истрагата пред утрешните протести.
Следната седмица во Парламентот предвидено е да се одржи расправа за формирање предистражна комисија за несреќата, а премиерот Мицотакис посочи дека секој ќе може да ги претстави своите ставови и предлози а, ќе може да достави предлог и за гласање недоверба на Владата.