Во последните три години, Бугарија заработила околу 500 милиони евра од испраќање воена помош за Украина. Станува збор за воена опрема, особено советска опрема која беше клучна за воената поддршка на Украина против руската инвазија.
Официјална Софија по основ на компензација добила околу 300 милиони евра од САД и Европската комисија, додека 174 милиони евра легнале на нивна сметка од Данска преку два договори за поддршка на украинската војска.
Овие компензации се дел од пошироката стратегија на Западот да се обезбедат потребни ресурси за Украина, а истовремено да се поттикне индустријата за оружје во земјите на Источна Европа, кои имаат арсенал на оружје од советската ера.
Иако бугарската воена индустрија не преминала целосно на западно вооружување, таа продолжила да произведува опрема од советски тип, а истата била искористена за извоз во различни региони, вклучувајќи го и Блискиот Исток, Азија и Африка.
Според податоците од 2023 година, бугарската индустрија за оружје има обрт од 3,2 милијарди евра, што ја става во средната категорија на производители на оружје.