Пожарите што ја зафатија Лос Анџелес се меѓу најсмртоносните во последните години, со најмалку 16 загинати. Единаесет од нив загинале во пожарот во Итон, близу Пасадена, додека останатите пет во пожарот во Пацифик Палисејдс.
Пожарите започнаа да се шират во вторникот и, иако дел од нив се ставени под контрола, остануваат некои опасни жаришта, како што е најголемиот пожар во Пацифик Палисејдс, кој се уште не е ставен под контрола.
Штетата од пожарите е голема, со околу 10.000 уништени или оштетени објекти, а околу 100.000 луѓе се под наредба за евакуација. Многу од овие лица се евакуирани од области како Малибу, каде што ситуацијата е особено критична.
Според градоначалникот на Малибу, Даг Стјуарт, третина од источниот дел на градот веќе не постои.
Противпожарните екипи се под голем притисок, бидејќи се соочуваат со зголемени ветрови што ја зголемуваат опасноста од ширење на огнот. Гувернерот на Калифорнија, Гевин Њусом, го повика новоизбраниот претседател на САД, Доналд Трамп, да ја посети Калифорнија и да ги разгледа последиците од овие смртоносни пожари.
Меѓувреме, 27 лица се уапсени за разни криминални активности во областите погодени од пожарите, како што се кражби и грабежи, а две од лицата биле уапсени за кршење на полицискиот час.
Пожарникарите добиваат поддршка од екипи од други делови на Калифорнија, како и од други американски држави, Канада и Мексико.
Се очекува пожарите да продолжат да се шират, а силните ветрови можат да го отежнат нивното гасење.
Стотици затвореници ангажирани во борбата со пожарите во Калифорнија