Има приведени, вршени се претреси, постои сомнеж за обид за пробивање и издавање на акцијата, а операциите на терен се уште траат.
Ова се единствените официјални информации од претставници на МВР и обвинителството запознаени со истрагата во Арачиново, Чаир и други делови на Скопје против припадници на кланот Беланоца/Барон.
Со истрагата се опфатени повеќе лица за кои полицијата и обвинителството имале сознанија дека или учествувале или помагале во злосторствата на кланот Беланоца.
Се истражува и дали дел од бараните осомничени лица учествувале во убиствата во Шиша бар.
Детали за акцијата и за делата на осомничената група ќе бидат соопштени на прес конференција попладнево, а од обвинителството и од МВР засега молк бидејќи се уште траат активностите на полицијата.
Повеќе извори за Телма потврдија дека имало и обид за издавање и пробивање на акцијата односно обид да се известат криминалците дека е почната истрага против нив и за многу скоро ќе бидат уапсени.
Од Обвинителството засега не коментираат дали акцијата ја почнале порано.
Пред куќите на осомничените уште вчера попладне биле испратени полициски тимови од специјалните единици за да реагираат веднаш откако ќе пристигнат судските наредби и обвинителите на лице место.
Апсени се припадници на групата Беланоца/Барон кои подолг период се во судир со групата Грчец.
Во нивните пресметки најмалку 5 припадници на двата клана беа убиени, а повеќе од десетина се ранети.
Миомир Серафимовиќ