Апели до милиони Британци да останат во своите домови, а десетици илјади останаа без електрична енергија по пристигнувањето на бурата Дара на Островот. Издадено е, исто така, и црвено предупредување поради силен ветар кој би можел да биде опасен по живот. Се очекуваат значителни нарушувања во најголем дел од брегот на Велс и делови на југозападна Англија. Откажан е Мерсисајд дербито меѓу Евертон и Ливерпул.
„Ако ја погледнеме пошироката слика, многу делови на Велика Британија ќе бидат погодени од невремето во наредните 24 часа. Оваа бура е силна. Бурата Дара е ѕвер“, рече Клер Насир, метеоролог, за „Скај њуз“.
Здружението „Енерџи нетворк“ соопшти дека 86.000 домаќинства во Англија, во Шкотска и во Велс се останати без струја.
Покрај Англичаните, предупредување да останат дома добија и Ирците. Аеродромот во Даблин потврди дека се примени бројни летови за други аеродроми и оти пренасочувањето е поради четвртата бура во оваа сезона.
Откажани се бројни летови на „Бритиш ервејс“ од и кон „Хитроу“, како и за Франција, Холандија и САД.
Big wind speed contrasts at 7am
Gusts in W Wales peaking around now
Much of northern England are under the centre of Darragh currently …where winds are lightest …but speeds will increase hugely here through the day. pic.twitter.com/ZPCGoi6xjZ
— Matt Taylor (@MetMattTaylor) December 7, 2024