Заврши гласањето на вонредните внатрепартиски избори за нов претседател на СДСМ. Централната изборна комисија (ЦИК) констатираше дека процесот бил кредибилен и демократски.
Избирачко место во Студеничани било предвреме затворено и таму гласањето е поништено. Во Гевгелија била скршена кутијата и имало 10 минутен застој во гласањето.
Приговори стигнале од 15 општински изборни организации, во шест од нив се прифатени, а во останатите девет се одбиени, информираше Викторија Аврамовска Мадиќ, претседателка на ЦИК.
На седум членови им било дозволено да гласаат, бидејќи, иако уредно се најавиле, сепак, не се нашле на избирачкиот список, а на други 44 не им биле прифатени приговорите.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.