Словенечкиот репрезентативец Нејц Цехте ќе остане во редовите на Еурофарм Пелистер уште една сезона. Тој денеска потпиша нов договор со македонскиот шампион.
Цехте беше еден од најдобрите играчи на битолчани изминатата сезона. Во Лигата на шампиони постигна 34 погодоци, а играше одлично и во домашното првенство. Десниот бек секако е еден од најзаслужните играчи за одбрана на титулата во Суперлигата. Тој сега ќе остане уште една сезона во зелено-белиот дрес, а минатото лето пристигна во Битола од дански ГОГ Гудме.
По завршувањето на сезоната тимот Еурофарм Пелистер се збогува со седум ракометари, а тоа се Урбан Лесјак, Калифа Гедбан, Марко Кизиќ, Марио Танкоски, Денис Васиљев, Руди Сери и Матеуж Пиеховски.
Пелистер вчера објави дека Кајо Цикатиќ ќе го засили тимот на пикерската позиција, а уште претходно ги договори голманите Никола Митревски и Филип Ивиќ.
