Не прифаќаме понуди од човек партија, граѓаните и поддржувачите на СДСМ ја препознаваат измамата која им се сервира од страна на „ЗНАМ“, се вели во реакцијата на социјалдемократите откако вчера Димитриевски постави услов за коалицирање во евентуална идна влада со СДСМ во кој тој побара оставка од раководството на партијата, а носителите и ко-носителите на кандидатските листи на нотар да изјават дека нема да прифатат пратенички мандати..
„За разлика од субјектите како ЗНАМ, кои се човек-партија, СДСМ е државничка партија со длабоки и силни корени“, се вели во одговорот на социјалдемократите.
Од СДСМ велат дека нема да прифатат условувања од било кого, бидејќи според нив се работи за иднината на државата, а со неа како што додаваат нема да тргуваат.
„Фокусирани сме на најдобриот резултат на претстојните избори на 8 мај, повикуваме на мобилизација на сите демократски и прогресивни сили да се спречи враќањето на режимот на ВМРО-ДПМНЕ“, додаваат од партијата.