В сабота и недела во Краљево ќе се одржи Балканскиот шампионат во атлетика на кој ќе настапат девет атлетичари од Македонија.
Во машка конкуренција се пријавени пет натпреварувачи и тоа Андреас Трајковски кој ќе се натпреварува во скок во далечина и во штафетата 4 пати по 100 метри, Јован Стојоски кој ќе партиципира во трките на 200 и 400 метри како и двете штафети, Михаил Петров е пријавен за трката на 200 метри и ќе биде дел од штафетите, Леонид Вандевски ќе се натпреварува на 1500 метри и 3000 метри со пречки, Огнен Стефановски покрај во трката на 400 метри ќе настапи и во штафетите, а четвртиот член во штафетата 4 пати по 400 метри е Филип Апостоловски.
Во женска конкуренција Адријана Поп Арсова ќе настапи на три и пет илјади метри, Сара Османовски е пријавена за трката на 100 метри со пречки додека Натура Мало ќе се појави на стартот на 100 метри.
ФОТО: Игор Паневски