Ако Град Скопје го прифати предлогот на регулаторната комисија, водата за пиење за скопјани ќе се зголеми за максимум три денари или во просек за 30 денари на месечна сметка. Ова го соопшти претседателот на Регулаторната комисија за енергетика Марко Бислимовски по најавите на Ј.П. „Водовод“ дека скока цената на водата за пиење за 70 отсто.
Регулаторот одново направил пресметка и на градот му вратил контрапредлог. Од сегашните 31,87 денари за еден метар кубин, цената да може да се зголеми најмногу до 34, 53 за еден метар кубен.
Бислимовски е вчудовиден како градски водовод пресметувал трошоци според берзанска цена на електричната енергија, кога сите комунални претпријатија добиваат субвенционирана струја од ЕСМ продажба.
По истата шема за повисока цена на водата се воделе и други комунални претпријатија. Регулаторот дополнително ќе се изјасни за предлозите во Општина Струга, Кочани и други претпријатија кои барале покачување на цената. Последната одлука ќе треба да ја донесат советите на општините и директорите на јавните претпријатија кои треба да одберат цена во опсег предложена од регулаторот.
Павле Беловски