Иран тврди дека е нападнат: Воздушни удари во Исфахан, мета фабриката за дронови Шахид

Засега непознати дронови, за кои првично се верува оти се камикази, ноќеска извршиле напади на неколку локации во Иран, меѓу кои и во Исфахан, каде е погодена фабрика за муниција и за производство на дронови Шахид.

Воздушни удари биле извршени во неколку провинции во земјата. Небото над Техеран го надлетуваат борбени авиони на иранското воено воздухопловство, додека во градот се активирани сирени за опасност од нови напади.

Веднаш е свикан иранскиот Совет за национална безбедност, а властите го повикаа народот на воздржаност.

Засега никој не презема одговорност за нападите. Телевизија Ал Арабија, пак, тврди  дека зад нив стои Израел.

Иранската новинска агенција ИРНА јави дека еден дрон бил соборен, а други два завршиле во одбранбени замки.