Вести Македонија

Жан Митрев во „Топ тема“: Ние не сме лекувале корона, ние сме давале шанса на пациенти со компликации од корона

Ние и сега немаме лек за корона, ние не сме лекувале корона, ние сме ги лекувале пациентите кои се комплицираат од короната и сме давале шанса тие пациенти, со нивниот организам, да можеше да го победи вирусот. Ако и нивниот организам не можел, толку биле и нашите напори, истакна доктор Жан Митрев во интервјуто во вечерашната „Топ тема“ на ТВ Телма.

„Хемофилтрацијата е потполно ист принцип како дијализата или хемодијализата кај бубрежно болните. Хемофилтрацијата е само едно помагало во лекување на тешко болни пациенти во интензивна нега. Различните се причини поради кои тие пациенти доаѓаат и завршуваат на интензивна нега. Може да бидат бактериски причинители кои прават инфекции и тоа е често во кардиохирургијата. Методот на хемофилтрација ја користиме на интензивна нега од самото формирање на болницата“, истакна доктор Митрев.

Клиниката, како што вели кардиохирургот, ги минала сите развојни фази што хемофилтрацијата ги имаше во изминатите 20 години.

„Овој начин на хемофилтрација, како најсофистициран, е од 2008 година, а од 2013 година е и „Огзирис“ хемофилтерот, како посебен софистициран филтер кој, покрај другите токсини во организмот, вади и делови од бактерии, вади некои имунолошки активности, т.е. хиперактивности кои дополнително може да му наштетат на организмот“, посочи доктор Митрев.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Да се сплотиме околу визијата за хумано, праведно и просперитетно македонско општество – велигденска честитка од претседателот Пендаровски

Дејан Дејан

Најмалку 48 загинати лица и 30 повредени при уривање на автопат во Кина – возач на камион спречи поголем број на жртви

Дејан Дејан

Бернар Арно на врвот, Маск на трето место – листа на милијардери на Блумберг

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе