Рускиот претседател Владимир Путин ја користи зимата како оружје за војна во Украина, изјави шефот на НАТО, Јенс Столтенберг.
Одбранбениот сојуз вети непоколеблива поддршка на Украина додека Русија продолжува да ја таргетира украинската инфраструктура. Столтенберг пред новинарите рече дека сојузниците на Украина се засилени, но дека треба да се направи повеќе – „и за да и се помогне на Украина да ја поправи критичната инфраструктура, но и да се справи со самите напади со обезбедување повеќе системи за противвоздушна одбрана“.
Додаде дека „Не е сè до додавање повеќе оружје, туку да се осигураме дека оружјето обезбедено од сојузниците на НАТО може да ги собори дојдовните руски ракети и беспилотни летала“.
Шефовите на дипломатиите на земјите членки на НАТО, денеска и утре во Букурешт треба да ги договорат идните чекори со кои Алијансата и политички и воено-технички ќе ја поддржи Украина. Министерот Османи, на влегувањето пред почетокот на Состанокот, рече дека Македонија останува голем поддржувач на Украина во војната против Русија.
За Телма од Букурешт известува Боби Христов