Деветнаесетгодишен мотоциклист им подлегна на повредите здобиени во сообраќајна несреќа што се случи синоќа на крстосницата од булеварот „Никола Карев“ и улицата „Прохор Пчински“ во Скопје.
Како што информираат од министерството за внатрешни работи (МВР), во несреќата учествувале патничко возило „Ауди А4“ управувано од Н.Х. (31) од село Визбегово и два мотоцикла – „бмв“ управуван од М.Ф. (19) и „ХГонда ХДВ“ управуван од Н.Б. (21), двајцата од Скопје.
Мотоциклистот М.Ф. се здобил со тешки телесни повреди, констатирани во Комплексот клиники „Мајка Тереза“, каде подоцна починал.
По наредба на јавен обвинител, возачот на автомобилот е лишен од слобода, а увид на местото извршиле јавен обвинител и увидна екипа од СВР Скопје. Од Јавното обвинителство денеска информираа дека се издаваат наредби и насоки за расчистување на настанот.
