Македонскиот атлетичар и член на АК Работнички, Андреас Трајковски го освои златниот медал во скок во далечина на Европското првенство во атлетика за мали земји што денеска се одржа во Монако на стадионот „Луј Втори“.
Андреас победничкиот резултат го постави во втората серија кога прескокна 7,62 метри. Поради грчеви во мускулот беше принуден да го прекине настапот и да не ги изведе преостанатите скокови, но и покрај тоа неговиот резултат остана недостижен за конкуренцијата.
Сребрениот медал го освои Мухамет Кнџели од Албанија со прескокнати 7,46, додека Андреас Мачалекидис дојде до бронзата со резултат 7,33 метри.
Ова е уште еден значаен меѓународен успех за македонската атлетика и потврда за континуитетот на Трајковски, кој и оваа сезона продолжува со одлични настапи на меѓународната сцена.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.