Приведена е сопственичката на кравите во Крива Паланка. Таа повторно ги спречувала вработените во Агенцијата за храна и ветеринарство да ги заловат кравите. Од МВР соопштуваат дека против неа ќе биде поднесена соодветна пријава.
Ова не е прв пат таа да биде приведена. Заедно со нејзината сестра и татко со месеци не им дозволуваат на полицијата и инспекторите од Агенцијата за храна и ветеринарство да ги одземат кравите кои со месеци прават штета на локалните жители.
За случајот отворен е и предмет во Обвинителството во Куманово но разрешница на случајот се уште нема, додека протестот на жителите за претрпените штети и закани од сопственикот на добитокот продолжуваат.
Кога последен пат екипа на ТЕЛМА беше во Крива Паланка, пред еден месец, ситацијата на терен беше непроменета
Добитокот можеше да се види по улици, дворови и ниви, каде предизвикува сериозни штети врз земјоделските посеви и директно го загрозува населението, иако со законските измени од 2023 година добитокот формално е одземен и ставен под надлежност на Агенцијата за храна и ветеринарство. Акциите за заловување често се соочуваат со отпор, а дел од животните дури ја преминаа и државната граница. Во меѓувреме, институциите си ја префрлаат одговорноста, додека жителите предупредуваат дека проблемот одамна излегол од контрола и бара итна и координирана реакција.
Телма Сторија: Ескалираше деценискиот проблем со кравите во Крива Паланка